في غيابك عشت حزن طول عمري ماعهدته
................................مثــل حزن اللي حرمه الموت لمـة والدينـــه
إستحل الصمت وقتي يرتشف دمـع نثرتـه
................................آه يـاوحشة مكـــانـي بعـــد ماكنتــي تـــجينــه
كل زول مر عندي غير زولـك ماعرفتـه
................................أظلمت شمس الحبايب وإنطفى نور المدينـه
ماقويت أكتم شعوري كيف أبصبر لو كتمته
................................مـنـهــو اللــي لارحلتـــي ماتهـل الــدمـع عينـه
ماعرفت إنسان صدق ولا أحس اني فقدتـه
................................الـوحيد اللــي عيونــي تبكــي لوصلـــه حزينـه
غيرك ولافيه غيرك أغلى ماعندي وهبتـه
................................جبت قلــبـي لـه هــديـه من ضلوعي في يدينـه
أكسجين القلب حبك مع نفس صدري شهقته
................................أورقـت منـه الغصــون وغنت طيــــور السـكينــه
إستلذيت بوجودك عكس مابعـدك كرهتـه
................................وإحـتـويتــك زي مـرسى ضـم لأحـــضانه سفينـه
الغلا ماهـو بكيفـي إن بغيتـه أو تركتـه
................................الغــلا داخــل فــؤادي أنتـــي اللـــي تــفرضينـه
يابعد عمـري طلبتـك لاتـردي ماطلبتـه
................................كــل طــاري عن غـيابك مــا أبيــكِ تـذكـرينــــــه
وإنسي ظروف البعـاد ونبهينـي لاذكرتـه
................................خــلي جـروووح المــوادع فـــي مقــابرهـا دفينـــه
